চাহ-বাগিছাত উভতিল কৰ্মচাৰীসকল

ডিব্ৰুগড় জিলাৰ লাহোৱাল উন্নয়ন খণ্ডৰ অন্তৰ্গত মটক চাহ বাগিছাৰ পৰিচালক মহোদয়াৰ সৈতে কৰ্মচাৰী সকলক চাহ বাগিছাত কাম কৰিবলৈ অনুমতি দিয়া হৈছে। আমি সকলোৱে জ্ঞাত যে গোটেই বিশ্ব খনতে ন’বেল ক’ৰোণা ভাইৰাছৰ আতংক হৈ আছে লগতে তলাবন্ধ (Lockdown) ৰ নীতি নিয়ম বান্ধি দিছে যাতে সকলোৱে ক’ৰোণা ভাইৰাছৰ পৰা বাছি থাকে। ঘৰত পৰিয়ালৰ লগত থাকি নিজকে আৰু আনকো সুৰক্ষিত ৰাখক। সুৰক্ষিত থকাৰ উপৰিও নিজৰ আৰু পৰিয়ালৰ পেট পো-পালন কৰিবও লাগিব, সেইবাবে কাম কৰিব লাগিব। কাম কৰিলেহে এবেলা এসাজ খাব পাৰি।
  এই সন্দৰ্ভত এগৰাকী কৰ্মচাৰীক সোধাত কয় যে – কাম নকৰিলে পৰিয়ালটো কেনেকৈ পো-পালন কৰিম, সেইবাবে চৰকাৰৰ নীতি নিয়মৰ প্ৰতি লক্ষ্য ৰাখি কাম কৰিবলৈ ওলাইছো। আন এগৰাকী কৰ্মচাৰীক সোধাত কয় যে – চৰকাৰে বান্ধি দিয়া নীতি নিয়ম আমি মানি চলিম। কাম নকৰিলেও নহব, কাম কৰিবই লাগিব। চৰকাৰৰ নীতি নিয়ম আমি কেতিয়াও ভংগ নকৰো। সকলোৱে সাৱধানে থাকিম আৰু তলাবন্ধ খোলাৰ পিছতো আমি এই নিয়ম মানি চলিম।
  এই সন্ধৰ্ভত অংকুৰ যুৱ সাংবাদিক গোটটোৱে কৰ্মচাৰী সকলক অনুৰোধ কৰে যে – আপোনালোকে নিজৰ কাম কৰিছে কৰক কিন্তু নিজৰ লগতে আনকো সুৰক্ষিত ৰাখক আৰু কাম কৰাৰ লগতে চৰকাৰৰ নীতি নিয়ম মানি চলক। ধন্যবাদ।

- শ্ৰীমতী গৌৰী গোচাই
বয়স-১৯
অংকুৰ যুৱ সাংবাদিক গোট

খেলুৱা স্বাস্হ্যকেন্দ্ৰৰ স্বাস্হ্যকৰ্মীৰ সৈতে বাৰ্তালাপ

বৰ্তমানৰ প্ৰেক্ষাপটত COVID-19 ৰ ভয়াৱহতা তথা আতংকই সমগ্ৰ বিশ্বকে গ্ৰাস কৰিবলৈ ধৰাত বিশ্বৰ আন বহু ৰাষ্ট্ৰৰ দৰে ভাৰতবৰ্ষতো প্ৰতি সুৰক্ষাৰ বাবে অধিক গুৰুত্ব প্ৰদান কৰা হৈছে। ভাৰত চৰকাৰৰ নিৰ্দেশমৰ্মেই কাৰ্য্যক্ষেত্ৰত নামি পৰা স্বাস্হ্যকৰ্মীসকলৰ ভিতৰত অসমৰ খেলুৱা প্ৰাথমিক স্বাস্হ্যকেন্দ্ৰৰ অন্তৰ্গত লংকাক গোঁহাই গাওঁ উপস্বাস্হ্য কেন্দ্ৰৰ অন্তৰ্গত ঢেকেৰী গাঁৱৰ আশা চুপাৰভাইজাৰ শ্ৰীমতী অৰ্চনা বৰদলৈ আৰু আশা কৰ্মী শ্ৰীমতী ৰশ্মিতা গগৈয়ে COVID-19 সম্পৰ্কে তেওঁলোকৰ মতামত দাঙি ধৰে আৰু তেওঁলোকৰ অনুভৱ ব্যক্ত কৰে এনেদৰে-

নমস্কাৰ বাইদেউ!

নমস্কাৰ!

বৰ্তমান সময়ত আশাকৰ্মীসকলৰ ভূমিকা সম্পৰ্কে অলপ কওকচোন।

আশাৰ ভূমিকা বুলি কলে আমি বুজো যে সামাজিকভাৱে স্বীকৃতিপ্ৰাপ্ত এগৰাকী মহিলাই নিজ এলেকাত থকা গৃহ পৰিদৰ্শন, গাওঁ স্বাস্হ্য দিৱস, গাওঁ স্বাস্হ্য ও অনাময় কমিটি গঠন, উন্নত ধৰণৰ চিকিৎসা সেৱাৰ কথা লোকসকলক অৱগত কৰিব লাগে। মুঠৰ ওপৰত এখন সুস্হ সমাজ গঠন কৰাৰ ক্ষেত্ৰত আশাকৰ্মীসকলে বিশেষ প্ৰচেষ্টা আগবঢ়ায়।

পৰিয়াল সমূহৰ সৈতে কিদৰে যোগাযোগ কৰে ?

সাধাৰণতে খোজকাঢ়িয়ে গৃহ পৰিদৰ্শন কৰা হয় যদিও এটা বৃহত এলেকা হ’লে দুই এক যান বাহনৰ জৰিয়তে পৰিয়ালসমূহৰ সৈতে যোগাযোগ ৰাখোঁ। লাগতিয়াল চেনিটাইজাৰ আৰু মাস্ক লগত থকাৰ উপৰিও এবাৰ গৃহ পৰিদৰ্শন কৰাৰ পিছত বিশেষ অসুবিধা হ’লে মোবাইল ফোনৰ জৰিয়তে খবৰ লৈ থাকোঁ।

সংক্ৰমণ শংকা ৰোধ কৰাৰ ক্ষেত্ৰত কেনেধৰণৰ ব্যৱস্হা অৱলম্বন কৰা হয় আৰু পৰিয়ালসমূহক কেনেধৰণৰ দিহা পৰামৰ্শ দিয়া হয় ?

সংক্ৰমণ শংকা ৰোধৰ ক্ষেত্ৰত হেণ্ড চেনিটাইজাৰ, মাস্ক, হেণ্ড গ্ল’ভ আদিৰ লগতে সামাজিক দূৰত্ব, জনসমাগমৰ পৰা দূৰত থকা আদিবিলাক মানি চলাটো প্ৰয়োজনীয়। নিজৰ লগতে আনকো সতৰ্ক ৰাখি সংক্ৰমণ শংকাবোৰ ৰোধ কৰিব পাৰি। এনেদৰেই সামাজিক দূৰত্ব, পৰিস্কাৰ পৰিচ্ছন্নতা, জনসমাগমৰ পৰা দূৰত্ব বজাই ৰখা আদিবিলাকৰ লগতে পৰিয়ালৰ কাৰোবাৰ কিবা অসুখ হ’লে বা COVID-19 সংক্ৰমণৰ লক্ষণসমূহ দেখা পালে ততালিকৈ ওচৰৰ স্বাস্হ্যকেন্দ্ৰত খবৰ দিবলৈ অনুৰোধ জনোৱা হয় আৰু ভয় নিয়ন্ত্ৰণ কৰিবলৈও পৰামৰ্শ দিয়া হয়।

গৃহ পৰিদৰ্শনৰ সময়চোৱাত কেনেধৰণৰ অসুবিধাৰ সম্মুখীন হব লগা হয় ?

অসুবিধা হয়। প্ৰায় মানুহেই স্বাস্হ্যৰ লগত জৰিত কথাবোৰ মানিবলৈ টান পায়। আমাৰ কথাত প্ৰথমে বিশ্বাসেই নকৰে। বহু সময় বুজোৱাৰ পিছতো হয়তো দুই একেহে বুজি পায়। অন্ধবিশ্বাসমূহেও মাজে মাজে অলপ অসুবিধা দিয়ে। বিশেষকৈ COVID-19 ৰ কথা কবলৈ গলে তেওঁলোকৰো হব বুলি ভয়তে একো নকবলৈ কয়। তথাপি আমি আমাৰ কবলগীয়াখিনি কৈ বুজাই থৈ আহোঁ আৰু খবৰ লৈ থাকোঁ।

আপোনালোকক এই কাৰ্য্যৰ বাবে কোনোধৰণৰ চৰকাৰী প্ৰশিক্ষণ দিয়া হৈছে নেকি ? মতামত জনাই যেন-

হৈছে। ট্ৰেইনিঙত সাৱধানতা সম্পৰ্কীয় কথা আৰু আমাৰ কৰণীয় খিনি শিকোৱা হয়।

চৰকাৰৰ ফালৰ পৰা প্ৰদান কৰা মাস্ক, চেনিটাইজাৰ আদিবিলাক লাভ আৰু ব্যৱহাৰ কৰিছেনে ?

চৰকাৰে এইকেইপদ বস্তু দিছে বিনামূলীয়াকৈ। আমিও মাস্ক পালো। হয়তো বিশেষ অসুবিধাৰ বাবে চেনিটাইজাৰ এতিয়ালৈকে পোৱা নাই। তথাপিতো হেণ্ড ৱাছ আমাৰ লগতে থাকে আৰু ঘৰতে নিৰ্মাণ কৰা চেনিটাইজাৰো ব্যৱহাৰ কৰোঁ।

আপোনালোকে গৃহ পৰিদৰৰ্শন কৰা পৰিয়ালসমূহত COVID-19 পজিটিভ পোৱা বা তেনেধৰণৰ সম্ভাৱনা থকা ব্যক্তি পাইছেনে ?

নাই, বৰ্তমানলৈ তেনে কোনো ব্যক্তি পোৱা নাই।

সমাজৰ এগৰাকী সচেতন নাৰী হিচাপে বৰ্তমানৰ পৰিস্হিতিত কেনেধৰণৰ কাৰ্য্যপন্থা হাতত লোৱা উচিত বুলি ভাবে ?

ভাৰত চৰকাৰে লোৱা LOCKDOWN ৰ পদক্ষেপটি ভাল বুলি মই গণ্য কৰোঁ। ভাৰত চৰকাৰৰ তথা অসম চৰকাৰৰ কাৰ্য্যপন্থাসমূহত আমি সন্মত আৰু সহযোগ কৰোঁ। কিয়নো এই দুৰ্দিনৰ সময়ত এয়াই একমাত্ৰ প্ৰতিৰক্ষাৰ ব্যৱস্হা। LOCKD0WN খোলাৰ পিছতো এই পৰিস্কাৰ পৰিচ্ছন্নতা আৰু সাৱধানতা অৱলম্বন কৰি থকাটো উচিত আৰু চৰকাৰৰ এই কাৰ্য্যত সমগ্ৰ ভাৰতবাসীয়ে একমত তথা সহযোগ প্ৰকাশ কৰিব লাগে।

আপোনাৰ মতে এটা সুস্বাস্হ্যকৰ পৰিৱেশৰ বাবে কেনেকুৱা বাতাবৰণৰ প্ৰয়োজন ?

পৰিস্কাৰ পৰিচ্ছন্নতাকে মুখ্য কৰি সুখাদ্য, সুস্বাস্হ্য, সুবস্ত্ৰ, সু-বাসস্হান আদিত গুৰুত্ব প্ৰদানেৰে শাৰীৰিক ব্যায়াম নতুবা কাম কাজৰ জৰিয়তে সুস্হ মন আৰু এটা সুস্হ শৰীৰ পাব পাৰি আৰু সকলোৰে মন সুস্হ হ’লে এটা সুস্হ পৰিৱেশ গঢ় লৈ উঠিব।

সমগ্ৰ বিশ্বৰ এই সংকটৰ সময়ত COVID-19 ৰ বিষয়ে আপোনাৰ মতামত দিয়ক-

আমি ভাবোঁ যে চৰকাৰী নীতি নিয়মৰ লগতে সকলো সাৱধানতা অৱলম্ৱন কৰিব লাগে। সহায় সহযোগিতাৰে আগবাঢ়িলেহে COVID-19 ৰ সন্ত্ৰাস শেষ হ’ব।
স্বাস্হ্যকৰ্মী গৰাকীৰ সৈতে কৰা বাৰ্তালাপৰ জৰিয়তে সমাজৰ স্বাস্হ্যকৰ্মী এচামলৈ প্ৰেৰণা আৰু জনসাধাৰণলৈ কিছুমান বিশেষ বাৰ্তা প্ৰকাশ পালে। শেষত স্বাস্হ্যকৰ্মী এগৰাকীয়ে কয়, “সকলোৱে ঘৰতে সাৱধানে থাকি সুস্হ থকাটোৱেই কামনা কৰোঁ।”

- শ্ৰী কৌস্তৱ বৰঠাকুৰ
১৫ বছৰ
হাঁহচৰা ঢেকেৰী গাওঁ যুৱ সাংবাদিক দল (শিৱসাগৰ)

মহামাৰী ক’ৰোণা

বন্ধ অসম বন্ধ কোঠা
সময় মাথো সজাগ হোৱা ।
কলি যুগৰ হ’ল সূচনা
মানৱজাতি ধংসকাৰী ওলাল
ক’ভিড-১৯, ক’ৰোণা ।

হে জনগণ নহ’বা অবুজন
সমগ্ৰ বিশ্বত ভয়াবহতাৰ সন্ধিক্ষণ
মহামাৰী ক’ৰোণাৰ সংক্ৰমণ ।
সমগ্ৰ বিশ্বতে বহু লক্ষাধিক আক্ৰান্ত
চৌদিশে কেৱল মানুহৰ মৃত্যুৰ আতংক ।

হাত দুখন চাবোনেৰে সঘনাই ধোৱা
অসুস্হ ব্যক্তিৰ পৰা নিলগত ৰোৱা ।
ক’ৰোণা ভাইৰাচৰ পৰা সাৱধান হোৱা
লক্ষণবোৰ দেখা দিলে ডাক্তৰক জনোৱা ।

জনসমাগমৰ পৰা আঁতৰত থাকা
বাহিৰত ওলালে মুখত মাস্ক পিন্ধা ।
মানি চলি সকলো নিয়ম
ঘৰতে থাকি বচোৱা পৃথিৱীখনক ।

- শ্ৰী হীৰকজ্যোতি শৰ্মা
ৰামধেনু যুৱ সাংবাদিক গোট