উন্নতি যুৱ সাংবাদিক গোটৰ সৈতে প্ৰধান শিক্ষকৰ চমু সাক্ষৎকাৰ

ডিব্ৰুগড় জিলাৰ পানীতোলা উন্নয়ন খণ্ডৰ অন্তৰ্গত নাহৰতলি চাহ বাগিচাৰ প্ৰাথমিক বিদ্যালয়ৰ প্ৰধান শিক্ষক দিলীপ যচিৰ সৈতে মধ্যাহ্ন ভোজনৰ ওপৰত চমু সাক্ষাৎকাৰ সমূহ তলত আলোচনা কৰা হল-
প্ৰ- আপোনালোকৰ বিদ্যালয়ত বৰ্তমান ছাত্র-ছাত্রী সংখ্যা কিমান?
উ- ২০৩ জন।
প্ৰ- বৰ্তমান কোনটো সংস্হাৰ তৰফৰ পৰা আপোনালোকৰ বিদ্যালয়ত মধ্যাহ্ন ভোজনৰ যোগান ধৰা হয়?
উ- বৰ্তমান অসম সৰ্বশিক্ষা অভিযানৰ The People Welfare Society নামৰ সংস্হা টোৱে মধ্যাহ্ন ভোজনৰ যোগান ধৰে।
প্ৰ- ভোজন খোৱাৰ আগত চাবোনেৰে হাত ধোৱেনে?
উ- হয় ধোৱে।
প্ৰ- আপোনালোকৰ বিদ্যালয়ত শৌচালয়ৰ ৱ্যৱস্হা আছেনে?
উ- হয় আছে। কিন্ত ল'ৰা আৰু ছোৱালীৰ বাবে এটাই শৌচালয় আছে, বেলেগ বেলেগকৈ নাই।
প্ৰ- শৌচালয় ব্যৱহাৰ কৰাৰ পিছত চাবোনেৰে হাত ধোৱেনে?
উ- এই সন্দৰ্ভত বিদ্যালয়ৰ সহ শিক্ষক গৌতম প্ৰমানিক ছাৰে কয় যে হয় আমাৰ বিদ্যালয়ৰ ছাত্র-ছাত্রীসকলে শৌচালয় ব্যৱহাৰ কৰাৰ পাছত চাবোনেৰে হাত ধোৱে। কিয়নো, চাবোনেৰে হাত ধুলে বিভিন্ন ধৰণৰ বেমাৰ যেনে- ডায়েৰীয়া, কলেৰা, পেট বিষ, ইত্যাদি ৰোগৰ পৰা আঁতৰি থাকিব পাৰি।
মুক্ত আকাশৰ ব্লক ফেচিলিটেটৰ য়াচমিন খাতুন বাইদেওৱে বিদ্যালয়ৰ ছাত্র-ছাত্রীসকলক যিকোনো বস্তু খোৱাৰ আগত ভালদৰে হাত ধুই খাবলৈ কয় আৰু শৌচালয়লৈ যাওঁতে চেণ্ডেলৰ ব্যৱহাৰ কৰিবলৈ কয়। শৌচালৰয়পৰা অহাৰ পিছত ভালদৰে চাবোনেৰে হাত কেনেকৈ ধুব লাগে পদ্ধতিসমূহ শিকালে। কিয়নো আমাৰ লেতেৰা হাতৰ পৰাই নেদেখা বীজাণুবোৰৰ পৰা নানা ধৰণৰ বেমাৰ হ’ব পাৰে।

- নেহা নায়ক
উন্নতি যুৱ সাংবাদিক গোট

শৌচালয় ব্যৱহাৰৰ ওপৰত এক বিস্তৃত সমীক্ষা

ডিব্ৰুগড় জিলাৰ পানীতোলা উন্নয়ন খণ্ডৰ অন্তৰ্গত ডিকম, চাবুৱা (টাটা গেট), দিনজয়, হাতিআলি আৰু শিয়ালকাটি চাহ বাগিচা সমূহত শৌচালয় আৰু পানী ফিল্টাৰ কৰি খায় নে নাখায় তাৰ ওপৰত এক চমু সমীক্ষা চলোৱা হয়। সমীক্ষা চলোৱা ঘৰকেইটাৰহে তথ্যখিনি তলত উল্লেখ কৰা হ’ল-
১/ ডিকম পুৰণা লাইনৰ ৩০ টা
২/ ডিকম কঠিবাৰী লাইনৰ ১০ ঘৰ
৩/ শিয়ালকাটি ১০নং লাইনৰ ৫০ ঘৰ
৪/ দিনজয় পকা লাইনৰ ২৫ ঘৰ
৫/ চাবুৱা টাটা গেটৰ ২০ ঘৰ
৬/ হাতিআলিৰ ২৫ ঘৰ
ওপৰত উল্লেখ কৰা গোটেই অঞ্চলসমূহৰ মুঠ ১৬০টা ঘৰৰ শৌচালয়ৰ ওপৰত সমীক্ষা চলোৱা হয়। আমি এই সমীক্ষাত পোৱা ১৬০ টা ঘৰৰ সকলো পৰিয়ালে শৌচালয় ব্যৱহাৰ কৰে। এই সন্দৰ্ভত শিয়ালকাটিৰ ward member চিলাম্বৰ বাগে কয় যে আমাৰ লাইনৰ সকলোৱে শৌচালয় ব্যৱহাৰ কৰে আৰু সকলোৰে ঘৰত শৌচালয় আছে। যদিহে কোনোৱে মুকলিত শৌচ কৰা দেখা পাওঁ তেনেহ’লে সেইজনৰ বাবে বেলেগ কিবা ব্যৱস্থা হাতত লোৱা হ’ব। বৰ্তমানলৈকে আমাৰ লাইনৰ মুকলিত শৌচ কৰা দেখা নাই। চাবুৱা চাহ বাগিচাৰ(টাটা গেট)ৰ অৰুণ পাত্ৰই কয় যে আমাৰ ইয়াৰ সকলোৱে শৌচালয় ব্যৱহাৰ কৰে আৰু শৌচালয়ৰ পৰা অহাৰ পিছত ভালদৰে হাত চাবোনেৰে ধুৱে।
আমাৰ এগৰাকী যুৱ সাংবাদিক মমতা বাগে এগৰাকী কিশোৰী পুজা বাইক সোধাত কয় যে আমি শৌচালয়ৰ পৰা অহাৰ পিছত চাবোনেৰে হাত ধোওঁ আৰু চেণ্ডেল পিন্ধি যাওঁ।
এই বিষয়ে ৰাজেন নায়কে কয় যে- শৌচালয়ৰ পৰা অহাৰ পিছত চাবোনেৰে হাত নুধুলে বহুত ধৰণৰ বেমাৰ-আজাৰ হয়।
পানী ফিল্টাৰ কৰি খায় নে নাখায় এই বিষয়ত শিয়ালকাটি ১০নং লাইনৰ অংগনৱাড়ী কৰ্মী মঞ্জু নায়কে কয় যে- হয় আমি পানী
ফিল্টাৰ কৰি খাওঁ। এই বিষয়ে আমাৰ স্বাস্হ্য সজাগতা সভাসমূহতো যিমান পাৰো সকলোকে সজাগ কৰাওঁ।

- গৌৰৱ যুৱ সাংবাদিক গোট
উন্নতি যুৱ সাংবাদিক গোট

বিদ্যালয়ত শিক্ষক নথকা বাবে অসুবিধা হৈছে ছাত্ৰ-ছাত্ৰীৰ

ডিব্ৰুগড় জিলাৰ লাহোৱাল উন্নয়ন খণ্ডৰ অন্তৰ্গত মনোহাৰী চাহ বাগিচাৰ প্ৰাথমিক বিদ্যালয়ত ছাত্ৰ- ছাত্ৰীৰ অনুপাতে শিক্ষক নাই । যুৱ সাংবাদিকসকলে সমীক্ষা কৰি দেখা পায় যে, এই বিদ্যালয়ত ছাত্ৰ- ছাত্ৰীৰ সংখ্যা 105জন, শ্ৰেণী হৈছে পাঁচটা আৰু শিক্ষক এজন। এই সন্দৰ্ভত বিদ্যালয়ৰ প্ৰধান শিক্ষক শ্ৰীযুত ৰাজীৱ বুঢ়াগোহাঁয়ে যুৱ সাংবাদিকৰ আগত কয় যে, তেওঁ প্ৰধান শিক্ষক গতিকে বিদ্যালয়ৰ বহুত কাম কৰিব লগা হয় আৰু ল’ৰা-ছোৱালীকো পঢ়াব লাগে, বহুত অসুবিধা হৈছে। এই বিষয়ে জিলাৰ শিক্ষা খণ্ড বিষয়াক জনোৱা হৈছে যে শিক্ষকৰ অতি প্ৰয়োজন কিন্তু শিক্ষা বিষয়াই আজিলৈকে গুৰুত্ব দিয়া নাই । এগৰাকী সহকাৰী শিক্ষক হিচাপে বাগিচাৰ কৰ্তৃপক্ষই সামান্য পৰিমাণৰ দৰমহা দি বিদ্যালয়ত নিযুক্তি দি ছাত্ৰ- ছাত্ৰীক পঢ়োৱাৰ ব্যৱস্থা কৰি দিছে । এই বিদ্যালয়ৰ দুজন ছাত্ৰ শ্ৰী ৰজত ভূঞা আৰু শ্ৰী চেলিম চাহুৱে কয় যে আমাৰ শিক্ষক নথকা বাবে বহুত অসুবিধা হৈছে । আজি আমাৰ যুৱ সাংবাদিকৰ যোগেদি বিদ্যালয়ৰ শিক্ষকজনে আৰু ছাত্ৰ-ছাত্ৰীসকলে বিভাগীয় কৰ্তৃপক্ষলৈ নিবেদন জনাইছে অনতি পলমে শিক্ষক নিযুক্তিৰ ব্যৱস্থা কৰিব লাগে বিদ্যালয়ত ।

- লাহোৱাল যুৱ সাংবাদিক গোট

মধ্যাহ্ন ভোজন আৰু ছাত্ৰ -ছাত্ৰীৰ মতামত লাগে

ডিব্ৰুগড় জিলাৰ পানীতোলা উন্নয়ন খন্ডৰ অন্তৰ্গত হাতিআলি চাহ বাগিচাৰ বিদ্যালয়ত মধ্যাহ্ন ভোজনক লৈ ছাত্ৰ- ছাত্ৰীৰ চমু সাক্ষৎকাৰ তলত আলোচনা কৰা হ’ল- পঞ্চম শ্ৰেণীৰ এগৰাকী ছাত্রী নিকিতা নায়কক সোধাত কয় যে- ভাতখিনি বেয়া, টেঙা টেঙা লাগে খাওঁতে। নিকিতা নায়কে জনায় যে এই বিষয়ে বিদ্যালয়ৰ শিক্ষকক জনোৱা হৈছে।
বিচু মুড়াই কয় যে- দাইল - ভাত দিয়ে আৰু দাইল খিনি পানী পানী, আগতে ভাল লাগিছিল খাই। এতিয়া ভাল নালাগে।
এই বিষয়ে বিদ্যালয়ৰ ৰান্ধনীগৰাকীক সোধাত তেওঁ কয়- আগতে ভাল আছিল খোৱাটো। আমি খিচিৰি বনাওঁতে আলু, ছয়াবিন আৰু চবজি দি বনাইছিলো কিন্ত এতিয়া তেনেকৈ নিদিয়ে। এতিয়া ল’ৰা -ছোৱালীবোৰেও কয় খাই ভাল নালাগে বুলি।
এই সন্দৰ্ভত বিদ্যালয়ৰ সহ-শিক্ষক বিৰাসিংহ লখৰিয়াই জনায় যে - আমাৰ বিদ্যালয়ৰ মুঠ ছাত্র-ছাত্ৰী ১২৫ জন। আমাৰ মধ্যাহ্ন ভোজনৰ সাপ্তাহিক বাৰৰ মতে বুধবাৰৰ দিনা কণী খুৱাইছিলো আগতে কিন্তু যোৱা বুধবাৰে কণী দিয়া নাছিল NGO ৱে প্ৰদান কৰা মধ্যাহ্ন ভোজনত।

- উন্নতি যুৱ সাংবাদিক গোট

স্কুলৰ বিষয়ে সমীক্ষা

ধুবুৰী জিলাৰ আগমনি উন্নয়ন খণ্ডৰ অন্তৰ্গত শেৰনগৰৰ ২৪১৩ নং পূব শেৰনগৰ এল. পি স্কুলৰ শিক্ষক- শিক্ষয়িত্ৰী ৩ জন আৰু ছাত্ৰ -ছাত্ৰীৰ সংখ্যা ৬০ জন । স্কুললৈ যোৱা ৰাস্তাটো অলপ বৰষুণ দিলেই পানীৰে উপচি পৰে আৰু ছাত্ৰ -ছাত্ৰী সকল অসুবিধাৰ সন্মুখীন হয় আৰু স্কুলৰ ভিতৰলৈ যাব নোৱাৰা হয়। এই সম্পৰ্কে প্ৰধান শিক্ষক অমৰ ভৌমিকে কয় যে, চৰকাৰ কৰ্তৃপক্ষক জনোৱা হৈছে। তেওঁলোকে কয় যে স্কুলৰ সকলো ব্যৱস্থা সিদ্ধি হ’ব । কিন্তু এতিয়ালৈকে হোৱা নাই। ছাত্র -ছাত্ৰী বহুত অসুবিধাৰ সন্মুখীন হৈছে।

- ৰোশনী হক
অমৃত যুৱ সাংবাদিক গোট

বৰষুণৰ বাবে ছাত্ৰ- ছাত্ৰীয়ে জীয়াতু ভুগিছে

কামৰূপ জিলাৰ শুৱালকুছি উন্নয়ন খণ্ডৰ অন্তৰ্গত এখন প্ৰাথমিক বিদ্যালয় ,নাম শুৱালকুছি বালক মজলীয়া বিদ্যালয়। এজাক বৰষুণ দিলেই বিদ্যালয়খনৰ চোতালত পানী জমা হয় আৰু এক অপ্ৰীতিকৰ অৱস্থাৰ সৃষ্টি কৰে । ইয়াৰ মূলতেই হ’ল সু- পৰিকল্পিত নলা- নৰ্দমাৰ অভাৱ। পানী ওলাই যাব নোৱাৰি আবদ্ধ হৈ থাকে, আকৌ কেতিয়াবা পানী শ্ৰেণীকোঠালৈও বৈ যোৱা দেখা যায় । ইয়াৰ বাবে ছাত্ৰ- ছাত্ৰীৰ লগতে শিক্ষকসকলৰো নানা সমস্যা হয়। এই সন্দৰ্ভত মৃণাল বৈশ্যই কয় যে," ছাত্ৰ -ছাত্ৰী সকলৰ বহুত অসুবিধা হৈ আছে। গতিকে সোনকালে চৰকাৰে ইয়াৰ ব্যৱস্থা ল’ব লাগে । নহ’লে বহুত অসুবিধা হয়।"

- বিশাল বৈশ্য

হাতিআলি চাহ বাগিচা বিদ্যালয়ৰ শিশুৰ সমস্যা

ডিব্ৰুগড় জিলাৰ পানীতোলা উন্নয়ন খন্ডৰ অন্তৰ্গত হাতিআলি চাহ বাগিচাৰ প্ৰাথমিক বিদ্যালয়ত শিশু সংসদ গঠন কৰা হয়। শিশু সংসদ গঠন কৰাৰ দ্বিতীয় দিনা শিশুসকলে সন্মুখীন হোৱা কিছুমান সমস্যাৰ বিষয়ে আমাক জনায়। সমস্যাসমূহ হ’ল -
১/ স্কুললৈ অহা ৰাস্তা ভাল নহয়
২/ শিক্ষক কম
৩/ ঘৰৰ ওচৰৰ মানুহবোৰে মদ খাই কাজিয়া কৰে ,পঢ়াত অসুবিধা হয়।
৪/ শিশুসকলে কম বয়সতে স্কুল এৰি কাম কৰিবলৈ ধৰিছে।

এই সন্দৰ্ভত বিদ্যালয়ৰ এগৰাকী ছাত্রী নিকিতা নায়কে কয় যে - আমাৰ এই সমস্যাবোৰৰ কাৰণে আমাৰ সকলোৰে অসুবিধা হয়। কিন্ত আমি একো কৰিব নোৱাৰো যিহেতু আমি সৰু ল’ৰা-ছোৱালী।
আমাৰ যুৱ সাংবাদিকে এই বিষয়লৈ শিশুসকলক বুজায় যে আমি এনে বোৰ সমস্যা লগ হৈ সমাধান কৰিব লাগিব সেইবাবে আমাৰ এই শিশু সংসদ গঠন কৰা হৈছে।

- পিংকি খাতুন।
উন্নতি যুৱ সাংবাদিক গোট