শিশুকালৰ স্বাস্থ্য আৰু পুষ্টিৰ বিষয়ে একলম

 শিশু বুলি ক’লে আমি ০ ৰ পৰা অৰ্থাৎ জন্মৰ পৰা ১৮ বছৰ বয়সলৈকে শিশুকাল বুলি ধৰা হয়। এই সময়ছোৱাত শিশু সকলৰ বিশেষভাবে ধ্যান ৰখাটো অধিক প্ৰয়োজনীয়। গৰ্ভাৱস্থাৰ সময়ত মহিলাসকলে বহুত সাৱধানতাৰে থাকিব লাগে আৰু খোৱা-বোৱাৰ ক্ষেত্ৰত ধ্যান দিব লাগে। কাৰণ গৰ্ভাৱস্থাৰ সময়ত যেতিয়ালৈকে শিশুটিৰ জন্ম নহয়, তাৰ আগলৈ মাতৃ গৰাকীয়ে যি আহাৰ গ্ৰহণ কৰিব সেয়া শিশুটিৱে পাব। সেয়েহে গৰ্ভাৱস্থাৰ সময়ত মহিলাসকলে পুষ্টিকৰ খাদ্য গ্ৰহণ কৰিব লাগে, যেনে- গাখীৰ, দৈ, ফল-মূল আৰু ভিটামিন থকা খাদ্য আদি খাব লাগে। আৰু যেতিয়া শিশুটি জন্ম পাব, তাৰ পিছত শিশুটিক ৬ মাহলৈ মাকৰ গাখীৰ খুৱাব লাগে, এয়া শিশুৰ বাবে বহু বেছি পুষ্টিকৰ আৰু প্ৰয়োজনীয়। শিশুটিৰ ১৮ বছৰ নোহোৱালৈকে তাৰ আগৰ কালছোৱা ভালদৰে যত্ন ল’ব লাগে, চোৱা-চিতা কৰিব লাগে, সদায় এটা ধুনীয়া পৰিবেশত ডাঙৰ-দীঘল কৰিবলৈ চেষ্টা কৰিব লাগে। আৰু যেতিয়া শিশুটি লাহে লাহে ডাঙৰ হৈ খোজ কাঢ়িবলৈ, কথা ক’বলৈ শিকে, তেতিয়াৰে পৰা খেল-ধেমালি, নাচ-গান কৰাৰ লগতে অন্যান্য শিশু কালত কৰিব মন যোৱা কামবোৰ কৰি ভাল পায় তথা আনন্দিত হয়। এই ক্ষেত্ৰত মাক-দেউতাক সকলেও বাধা প্ৰদান কৰিব নালাগে কাৰণ এই সময়ছোৱাত তেওঁলোকৰ বিশেষ বুদ্ধি নাথাকে আৰু তেওঁলোকক হাঁহি ধেমালিৰে থাকিব দিব লাগে। তাৰ পিছত ৬ বছৰ হোৱাৰ লগে লগে স্কুলত নামভৰ্তি কৰি দিব লাগে। যাতে, খেলা-ধূলাৰ লগতে শৈক্ষিক, মানসিক আৰু সাংস্কৃতিক আদি দিশতো আগবাঢ়ি যাব পাৰে।

নাম- শ্ৰীমতী অমিয়া নাইক
স্থান- তৰাজান চাহ বাগিছা
জিলা- ডিব্ৰুগড় (বি.চি.পি)

শৈশৱ কালৰ বিকাশ

 শৈশৱ কাল বুলি কলে আমি শিশু সকলকে কওঁ। শৈশৱ কাল সাধাৰণতে জন্মৰ পৰা ১২ বছৰ বয়সলৈকে ধৰা হয়‌। কিন্তু এই শৈশৱ কালক দুই ধৰণে ভাগ কৰা হয়। প্ৰাক শৈশৱ কাল আৰু শৈশৱ কাল। জন্মৰ পৰা ছয় বছৰ বয়সলৈকে প্ৰাক্ শৈশৱ কাল। ইয়াতে ০-৩ বছৰ আৰু ৩-৬ বছৰ। শূণ‍্য মানে শিশুটো মাতৃ গৰ্ভত থকা অৱস্থা। এই সময়ত শিশুটোৰ বিকাশ নিৰ্ভৰ কৰে মাতৃয়ে নিজৰ ওপৰত লোৱা যত্ন। সেই সময়ত মাতৃয়ে খোৱা বোৱাৰ যত্ন লব লাগে, পুষ্টিকৰ আহাৰ খাব লাগে। যথেষ্ট পৰিমাণ পানী খাব লাগে। পৰিমিত আহাৰ যেনে খোৱাৰ পৰিমাণ বঢ়াব লাগে, যাতে নিজৰ লগতে জন্ম হ'ব লগা শিশুটোৱে খাদ্য লাভ কৰিব পাৰে। মাতৃৰ স্বাস্থ‍্য ভাল থাকিলে শিশুটো সূস্থ হৈ থাকিব আৰু উপযুক্ত ভাবে বৃদ্ধি আৰু বিকাশ হব। সদায় চিকিৎসকৰ পৰামৰ্শ লব লাগে যাতে মাতৃ আৰু শিশুৰ স্বাস্থ‍্য অটুত থাকিব পাৰে। পৰিষ্কাৰ পৰিচ্ছন্ন পৰিবেশত থাকিলে বেমাৰৰ পৰা হাত সাৰিব আৰু স্বাস্থ্য ভালে থাকিব। শিশু জন্মৰ লগে লগে শিশুটো যাতে ভালে থাকে তাক উপযুক্ত আৰু সুস্থ পৰিবেশ দিব লাগিব আৰু মাতৃয়ে যতন কৰিব লাগিব। মাকৰ মৰম আৰু যত্নৰ ফলত শিশুৰ বিকাশ আৰু বৃদ্ধি হয়। শিশুৰ জন্মৰ পৰা ৩ বছৰ পৰ্যন্ত ঘৰখনেই শিশুৰ বিকাশ আৰু বৃদ্ধিৰ স্থল। ৩ বছৰৰ পিছত প্ৰাক প্ৰাথমিক শিক্ষাৰ বাবে প্ৰাক্ প্ৰাথমিক শিক্ষা কেন্দ্ৰ বা অঙ্গনবাদী কেন্দ্ৰত ছয় বছৰ বয়সলৈকে স্বাস্থ্য, শিক্ষাৰ বিভিন্ন কাৰ্য্যসূচী গ্ৰহণ কৰা হয়। বিভিন্ন বেমাৰৰ পৰা হাত সাৰিবৰ বাবে বিভিন্ন টিকাকৰণ আচঁনি ভিটামিন A ৰ সেৱন কাৰ্যসূচীৰে শিশুক সহায় কৰে। লগতে পৰিবেশৰ বস্তু সমূহৰ প্ৰতি সম্যক জ্ঞান আৰু সমাজিক ভাবে লগ-বন্ধু সমূহৰ লগত মিলিবলৈ, নিজৰ শৰীৰৰ অঙ্গ-প্ৰত‍্যঙ্গ সমূহৰ সঞ্চালন হবলৈ খেলৰ মাধ্যমেৰে শিকোৱা হয়। মুঠতে কবলৈ হ'লে এই সময়ত শিশু সকলৰ সৰ্বাত্মক বিকাশ যেনে শাৰীৰিক, ভাষিক, আবেগিক, বৌদ্ধিক আৰু সামাজিক বিকাশ সাধনৰ বাবে বিভিন্ন খেলৰ মাধ্যমেৰে বিভিন্ন কাৰ্য্য কৰোৱা হয় যাতে ভৱিষ্যতে শিশুৱে সুন্দৰ ভাবে নিজকে প্ৰতিষ্ঠিত কৰিব পাৰে। শিশুৰ বিকাশ বা বৃদ্ধি নহলে ভবিষ্যতে শিশু আগবাঢ়িব নোৱাৰিব। উপযুক্ত সময়ত বিভিন্ন উদ্দীপনা মূলক কামৰ মাজেদি বিকাশত সহায় কৰিব।

 সুস্থ পৰিবেশ, পুষ্টিকৰ খাদ্য, পৰিষ্কাৰ-পৰিছন্নতাই শিশু বিকাশ আৰু বৃদ্ধিৰ মূল চাবি কাঠি।

নাম- হৰ্ষিতা চক্ৰৱৰ্তী
জিলা- ডিব্ৰুগড়

এফ.এফ.এল ভিডিও’ৰ সহায়ত পৰিপুষ্টিৰ জ্ঞান

 ডিব্ৰুগড় জিলাৰ অন্তৰ্গত জামিৰা চাহ বাগিছাৰ ববিতা তুৰী নৱম শ্ৰেণীত পঢ়ি থকা এগৰাকী ছাত্ৰী আৰু লগতে এবিতা ইউনিচেফৰ (ABITA-UNICEF) কিশোৰী গোটৰ এগৰাকী নিয়মীয়া সদস্যা। ববিতাহঁতৰ কিশোৰী গোটৰ সাপ্তাহিক আলোচনাত বিভিন্ন বিষয়ৰ ওপৰত আলোচনা কৰা হয়। ক্লাবলে আহি পৰিপুষ্টিৰ ওপৰত ববিতাই যথেষ্ট কথা শিকিবলৈ পাইছে। তাই কয়, “আগতে মই শুকানকৈ ভাত আৰু ৰুটি খাইছিলো। দাইল, শাক-পাচলি কমকৈ খোৱা হৈছিল বা খাব মন যোৱা নাছিল। কিন্তু যেতিয়া ক্লাবত আমাক এফ.এফ.এল ভিডিও সমূহ দেখুৱালে, তেতিয়াহে বুজি পালো যে আমাৰ খাদ্য সমূহৰ ক’ত কি ভিটামিন থাকে আৰু এই ভিটামিন সমূহৰ অভাৱ হ’লে আমাৰ দেহত দেখা দিব পৰা সমস্যা, যেনে- এনিমিয়া, কুকুৰিকণা, পয়া লগা ইত্যাদি ৰোগৰ ভয়াৱহতাৰ বিষয়েও জানিব পাৰিলো।” ববিতাই লগতে আমাক কয়, আমি ভাতৰ পৰা কাৰ্বহাইড্ৰেট, শাক-পাচলিৰ পৰা ভিটামিন, দাইলৰ পৰা প্ৰটিন পাওঁ। আমাৰ খোৱা থালিখনৰ খাদ্যসমূহ ত্ৰি-ৰঙৰ হ’লেহে আমি আমাৰ আহাৰৰ পৰা সম্পূৰ্ণ পুষ্টি পাওঁ। এই সমূহৰ লগতে আমি প্ৰ’টিন, কেলচিয়াম, আইৰণ আদি আমাৰ শৰীৰে সময়ে সময়ে পায় থাকিবলে মাছ, মাংস, কণী, গাখীৰ ইত্যাদি খায় থাকিব লাগে। তাৰোপৰি আমি খোৱা খাদ্যৰ পৰা যাতে আমি আইৰণ ভালদৰে পাওঁ তাৰবাবে খাদ্যৰ লগত ভিটামিন চি খাব লাগে। ভিটামিন চি আমি টেঙাজাতীয় শাক-পাচলি, ফল-মূল আদিৰ পৰা পাওঁ। এই কথা সমূহ জানিব পোৱাৰ পাছৰ পৰাই ববিতাই শাক পাচলি খোৱাৰ ওপৰত গুৰুত্ব দিব ধৰিলে আৰু লগতে তাইৰ পৰিয়ালৰ অন্যান্য সদস্য সকলকো ভিটামিন যুক্ত খাদ্য খালে হোৱা উপকাৰিতাৰ কথা বুজালে। ববিতাই লগতে আৰু কয় যে, “আগতে প্ৰায়ে মোৰ গা-বেয়া হৈ থাকিছিল, পেটৰ বিষ হৈ থাকিছিল, যেতিয়াৰ পৰা মোৰ খাদ্যভ্যাস সলনি কৰিব ধৰিলো তেতিয়াৰ পৰা এই সমস্যা সমূহ লাহে লাহে নোহোৱা হ’ব ধৰিলে। এতিয়া মোৰ লগতে মোৰ ঘৰৰ অন্যান্য সদস্য সকলেও পুষ্টিকৰ খাদ্য খোৱাত গুৰুত্ব দিয়ে।

নাম- উৰ্মিলা তাচা
বয়স- ১৫
জিলা- ডিব্ৰুগড়

গৰ্ভৱতী মহিলাক পৰিপুষ্টিৰ বাবে খাদ্য বিতৰণ

 তিনিচুকীয়া জিলাৰ অন্তৰ্গত ৰাইডাং চাহ বাগিচাত বাগিচা পৰিচালনা সমিতিয়ে ৰাষ্ট্ৰীয় স্বাস্থ্য মিচনৰ সহযোগত চাহ বাগিচাৰ গৰ্ভৱতী মহিলা সকলক প্ৰত্যেক দেওবাৰৰ দিনটোত খোৱা বস্তু দি থকা হৈছে। গৰ্ভৱতী মহিলা সকলে যাতে সম্পূৰ্ণ পৰিপুষ্টি পায় তাৰ ওপৰত গুৰুত্ব আৰোপ কৰি 200 মি.লি. গাখীৰ আৰু দুটা সিজোৱা কণী খাবলৈ দিয়া হয়।

 আমি প্ৰায়ে দেখিবলে পাওঁ আমাৰ বাগান অঞ্চল সমূহত গৰ্ভৱতী মহিলা সকলে যেনেধৰণৰ সহায়ৰ হাত পাব লাগে সেইয়া নাপায় বা তেওঁলোকে সেইয়া নিজেই বিভিন্ন কাৰণত গোটাই ল’ব নোৱাৰে। যাৰ ফলত গৰ্ভৱতী মহিলা সকল সম্পূৰ্ণ পুষ্টিৰ পৰা বঞ্চিত থাকিব লগা হয়। গৰ্ভৱতী অৱস্থাত পৰিপুষ্টি ভালদৰে নাপালে এটা সূস্থ শিশু জন্ম হ’ব নোৱাৰে, হয়তো মহিলা গৰাকী মৃত্যুৰ মুখতো পৰিব পাৰে। এনেধৰণৰ সম্ভাৱনা সমূহ নোহোৱা কৰিবৰ বাবেই বিভিন্ন ধৰণৰ আচঁনি প্ৰস্তুত কৰি তোলা হৈছে।

 সেইয়ে আমাৰ বাগিচাত মহিলা সকলক কিছু পৰিমাণে হ;লেও সহায়ৰ হাত আগবঢাবলৈ ৰাষ্ট্ৰীয় স্বাস্থ্য মিছনৰ সহযোগত এই পদক্ষেপ লোৱা হৈছে। কিন্তু দেখা গ’ল যে খোলা দিনবোৰত বেছিভাগ কৰ্মৰত মহিলা সকল সেই সুবিধা গ্ৰহণ কৰিব আহিব নোৱাৰে। সেইয়ে বাগান কৰ্তৃপক্ষই দেওবাৰৰ দিনটোতে এই সুবিধা প্ৰদান কৰাৰ কথা ঠিক কৰে। এতিয়া প্ৰত্যেক দেওবাৰে গৰ্ভৱতী মহিলা সকলে স্বাস্থ্য কেন্দ্ৰত গোট খায় আৰু বাগিচা কৰ্তৃপক্ষৰ উপস্থিতিত খোৱা বস্তু সমূহ প্ৰদান কৰা হয়। এই সন্দৰ্ভত আমাৰ চাহ বাগিচাৰ চিকিৎসকে কয় “যিহেতু আমাৰ বাগিচা খন ৰাষ্ট্ৰীয় স্বাস্থ্য মিছনৰ অন্তৰ্গত, সেইয়ে আমৰা বাগিচাৰ গৰ্ভৱতী মহিলা সকলে যাতে এন.এইছ.এম দি থকা সুবিধা খিনি পায় সেই কথা আগত ৰাখিয়েই এই পদক্ষেপ লোৱা হৈছে। আশা কৰিছোঁ এই পদক্ষেপৰ দ্বাৰা গৰ্ভৱতী মহিলা সকলে অলপ হ’লেও সহায় পাব।”

নাম- সুনীতা খেৰিয়া
বয়স- 19
জিলা- ডুমডুমা, তিনিচুকীয়া

ৰাইডাং চাহ বাগিচা

মৰমৰ আই

ডিব্ৰুগড়ৰ গাভৰুপথাৰস্থিত গাভৰুপথাৰ LP স্কুলৰ শিক্ষক-শিক্ষয়িত্ৰী তথা ছাত্ৰ-ছাত্ৰী সকলৰ স্বাস্থ্য, পৰিস্কাৰ-পৰিচ্ছন্নতাৰ প্ৰতি থকা সজাগতামূলক মনোভাৱ