চেনিটেৰী পেডৰ ব্যৱহাৰ

 মই বগাপানী চাহ বাগিচাৰ নিবাসী। মই বগাপানী চাহ বাগিচাৰ জাগৃতি গোটত ২০১৬ চনৰ পৰা বৰ্তমানলৈ জড়িত হৈ আছো। সেয়েহে মই জাগৃতি গোটত হোৱা সাপ্তাহিক সভাত আহি বহুখিনি কথা শিকিলো।

 জাগৃতি গোটত জড়িত হৈ মই যিবোৰ শিকিলো, তাৰ ভিতৰত মই ঋতুশ্ৰাৱ বা মাহেকীয়াৰ ওপৰত ক’ব বিচাৰিছোঁ। প্ৰথমতে মই মাহেকীয়াৰ বিষয়ে ভালদৰে জনা নাছিলো, সেই সময়চোৱাত মই কাপোৰ ব্যৱহাৰ কৰিছিলো, তেতিয়া মোৰ বহুত অসুবিধা হৈছিল। তাৰ পিছত সাপ্তাহিক সভাত গৈ বহুখিনি কথা গম পালো চেনিটেৰী পেডৰ কথা আৰু তেতিয়াৰ পৰা মই চেনিটেৰী পেড ব্যৱহাৰ কৰোঁ। মোৰ লগতে মোৰ বাইদেউ, ভন্টি আৰু ঘৰৰ ওচৰৰ সকলো ছোৱালীকে এই বিষয়ে অৱগত কৰিছিলোঁ, আৰু তাৰ পিছৰ পৰা তেওঁলোকে পেড ব্যৱহাৰ কৰে।

 আমাক যথোচিত জ্ঞানেৰে উপকৃত কৰাৰ বাবে মই আমাৰ কিশোৰী গোটৰ পালৰ পৰা ABITA-UNICEF ক বহুত ধন্যবাদ জ্ঞাপন কৰিছোঁ।

নাম- শ্ৰীমতী দিব্যা কাইতা
বগাপানী চাহ বাগিচা
জিলা- তিনিচুকীয়া (এবিটা)

মোৰ সপোন

মা, অ মা, মা অ!
কিয় কৰিছা মোৰ লগত এনে
কিয় মা কিয়?
মই ছোৱালী, সেইবাবেই নেকি মা?
দাদাক উচ্চশিক্ষা প্ৰদান,
আৰু মোৰ বিয়াৰ যোগাৰ।
কিয় মা কিয়?
সোনকালে বিয়া দিয়াৰ কাৰণটো কি?
যৌতুকৰ চিন্তা নে
অন্য জাতিৰ লগত পলাই যোৱাৰ চিন্তা
পিছলৈ দৰা বিচাৰি নোপোৱাৰ চিন্তা
নে মোৰ বয়স বেছি হ’লে
সমাজে কিবা ক’ব,
তাৰ চিন্তাত নেকি মা?
মা মোৰ ডাক্তৰ হোৱাৰ সপোন
সপোন হায়েই থাকিব নেকি?
মই আত্মনিৰ্ভৰশীল নহৈ
আনৰ ওপৰত নিৰ্ভৰ কৰি
জীয়াই থাকিম নেকি?
মা মোক বিয়াৰ সলনি
এবাৰ সুযোগ দিয়ক ডাক্তৰ হ’বলৈ
মা! অ মা!
এয়াই মোৰ সপোন।

নাম- শ্ৰীমতী চুহানী তাঁতি
নুমলীগড় চাহ বাগিচা
জিলা- গোলাঘাট (এবিটা)

পানীৰ সমস্যা

 আমাৰ বাগানৰ পানীত আইৰন পৰিমাণ বেছি হোৱাৰ লগতে, য’তে-ত’তে জাৱৰ-জোথৰ পেলোৱাৰ বাবে পানী প্ৰদূষিত হৈছে। ফলত খোৱা পানীৰ অভাৱ ঘটিছে। আৰু বানপানীৰ সমস্যাৰ বাবেও খোৱা পানীৰ অভাৱ ঘটিছে।

 বাগানৰ আন এটা সমস্যা হ’ল বাগানৰ পানীত লেটেৰা গোন্ধ পোৱা যায়। সেয়ে আমাৰ জেষ্ঠ্য জনে শিকোৱাৰ দৰে পানী গৰগম কৰি খাব লাগে। আৰু বাগানত এটা টিউৱেলৰ পানী চাৰিঘৰ মানুহে খায়। পানী সদায় ফিল্টাৰ কৰিহে খাব লগীয়া হয় কাৰণ আগতে পানীৰ বিশুদ্ধীকৰণ কৰা হৈছিল যদিও এতিয়া কৰা নাই। এই লেতেৰা পানী সমূহ সেৱন কৰাৰ ফলত আমাৰ বিভিন্ন ধৰণৰ বেমাৰ আজাৰ যেনে- পেট বিষ, জ্বৰ, মূৰ বিষ ইত্যাদি হ’ব পাৰে। সেয়েহে খোৱা পানীৰ সমস্যাৰ অতি সোনকালে সমাধান হ’ব বুলি আশা থাকিল।

নাম- ৰীতু গড়
বয়স- ১৯
লিম্বুগুৰি চাহ বাগিচা
জিলা- তিনিচুকীয়া (বি.চি.পি)

কৈশোৰ অৱস্থাৰ স্বাস্থ্য

 পৰিস্কাৰ-পৰিচ্ছন্নতাই আমাৰ দেহ-মন প্ৰফুল্লিত কৰি মানসিক উৎকৰ্ষ সাধন কৰে। সেয়ে মানসিক উৎকৰ্ষ সাধন কৰে। সেয়ে মানসিক উৎকৰ্ষ সাধনৰ বাবে কিশোৰ-কিশোৰী সকলক সচেতন হ’বলৈ শিকোৱা উচিত। কাৰণ সুস্থ দেহা হ’লেহে মন সুস্থ থাকে। বৰ্তমানৰ সমস্যা জড়িত সমাজ ব্যৱস্থাত মানসিক উৎকৰ্ষ সাধনৰ বাবে যোগ, ধ্যান, শাৰীৰিক ব্যায়াম, প্ৰাৰ্থনা আদিত ভাগ লৈ মনৰ কলুষতা দূৰ কৰি এক শান্ত সমাহিত জীৱনৰ গৰাকী হ’বলৈ কৈশোৰ অৱস্থাৰ পৰাই এইবোৰৰ অনুশীলনৰ অতি প্ৰয়োজন।
 দৈহিক বিকাশৰ বাবে প্ৰয়োজনীয় প্ৰটিন, ভিটামিন, কেলছিয়াম, মিনাৰেল আদি খাদ্যৰ জৰিয়তে সু-স্বাস্থ্য লাভ কৰিব যে পাৰি, তাৰ সম্যক জ্ঞান প্ৰদান কৰিলে কিশোৰ-কিশোৰী সকলে নিজে সচেষ্ট হৈ তেনে খাদ্য গ্ৰহণত আগ্ৰহী হোৱা উচিত। সেউজীয়া সাক-পাচলি, গাখীৰ, বতৰৰ বিভিন্ন ফল-মূলৰ উপকাৰিতা সম্পৰ্কে তেওঁলোকক জনালে শৰীৰৰ বিকাশত যথেষ্ট সহায়ক হ’ব।

নাম- শ্ৰীমতী চনীয়া গোৱালা
অলকানন্দা চাহ বাগিচা
জিলা- ডিব্ৰুগড় (বি.চি.পি)

কৈশোৰ কাল আৰু স্বাস্থ্য

বিবেকানন্দ কেন্দ্ৰীয় বিদ্যালয়ৰ শিক্ষক সকলৰ সৈতে কথোপকথন

সমৰ কলা প্ৰশিক্ষণ কেন্দ্ৰৰ অনুষ্ঠান

যোগ প্ৰাণায়ামৰ অভ্যাস