আন্তর্জাতিক কন্যা শিশু দিৱস উদযাপন কৰিলে ডিকম চাহ বাগিচাত

ডিব্ৰুগড় জিলাৰ পানীতোলা উন্নয়ন খণ্ডৰ অন্তৰ্গত ডিকম চাহ বাগিচাত যোৱা ১১ অক্টোবৰ তাৰিখে এবিটা ইউনিচেফৰ ফালৰ পৰা আন্তর্জাতিক কন্যা শিশু দিৱস উদযাপন কৰা হল। ইয়াত উপস্থিত শেৱালি বৰবৰুৱা আৰু মনোৰঞ্জন হাজৰিকা লগতে ১৬ খন বাগিচাৰ পৰা অহা কিশোৰীসকল উপস্থিত থাকে। ইয়াত বিভিন্ন কাৰ্যসূচীৰ দিনটো পালন কৰা হ’ল। শেৱালি বৰবৰুৱাই ছোৱালী বিলাকক নিজৰ অধিকাৰৰ বিষয়ে কোৱাৰ লগতে আৰু কয় যে আগৰ দিনত ছোৱালী আৰু ল’ৰাৰ মাজত বহুতো পাৰ্থক্য কৰিছিল। বৰ্তমান এতিয়াও কিছুলোকে এই ধৰণৰ প্ৰাৰ্থক্য কৰে। কিন্তু, এইটো কৰিব নালাগে। কাৰণ ছোৱালীৰ বাবে আজি আমাৰ দেশ, সমাজ চলি আছে। আজিৰ শিশু কালিৰ দেশৰ নাগৰিক সেইকাৰণে ছোৱালী আৰু ল’ৰাক সমানে সমানে আগবাঢ়িব দিব লাগে। মনোৰঞ্জন হাজৰিকা ছাৰে স্বাস্থ্যৰ বিষয়ে কয় যে আমাকসদায় খেল ধেমালি কৰি থাকিব লাগে কাৰন আমি খেল ধেমালি কৰিলেহে আমাৰস্বাস্থ্য ভাল থাকিব। লগতে তেখেতে কয় যে কেৱল মোবাইলত খেলা বা কম্পিউটাৰত খেলা খেল নহয়। যেনে- দৌৰ মৰা, কাবাডী, ফুটবল, আদি কাবাডী খেল খেলিলেহে আমাৰ স্বাস্থ্য ভাল থাকিব। লগতে ১৬ খন বাগিচাৰ পৰা অহা কিশোৰী সকলে বিভিন্ন ধৰণৰ কাৰ্যসূচী যেনে- কুইজ, নাটক, নৃত্য আৰু গীত আদিত অংশগ্ৰহণ কৰে। তিনি খন চাহ বাগিচাৰ কিশোৰীসকলে নাটক কৰিলে। তেওঁলোকৰ নাটকত মূল কথাটো বুজাব বিচাৰিছিল যে- শিশু শ্ৰম, বাল্য বিবাহ, শিশু ৰ শিক্ষা ৰ অধিকাৰ আদিৰ ওপৰত নাটক কৰিলে।

- বৰ্হমথুৰি যুৱ- সাংবাদিক গোট
ৰোপানজলী বৰাইক

বালিজান চাহ বাগিচাত কল্যাণ সপ্তাহ পালন

ডিব্ৰুগড় জিলাৰ টেঙাখাত উন্নয়ন খণ্ডৰ অধীনৰ বালিজান চাহ বাগিচাত চলিত বৰ্ষৰ ২৬ ফেব্ৰুৱাৰীত বাগিচাৰ ৰূপালী কিশোৰী গোটৰ সদস্য সকলে এখনি সজাগতামূলক বাটৰ নাট ৰাইজৰ আগত প্ৰদৰ্শন কৰে। শিশু সুৰক্ষা প্রকল্পৰ অধীনৰ এই বাগিচাখনত ২০০৮ চনৰ পৰাই শিশু সুৰক্ষা, শিশু অধিকাৰ ইত্যাদি বিষয়বোৰৰ কাম কৰি আহিছে। বাটৰ নাটখন ইয়াৰে অংশ বিশেষ । বাটৰ নাটখনৰ প্ৰদৰ্শনৰ প্ৰাকক্ষণত প্ৰকল্পৰ কাৰ্য সহায়ক ৰশ্মি ৰেখা গগৈয়ে উদ্দেশ্য বাখ্যাত অৱগত কৰে যে - কিশোৰীসকলৰ ব্যক্তিত্ব বিকাশ আৰু অনুপ্ৰেৰণা যোগাবলৈ এটি প্ৰয়াস কৰা হৈছে । বাটৰ নাটখনৰ মূল বিষয়বস্তুটো হৈছে মাদক দ্ৰব্য নিবাৰণ আৰু মাদক দ্ৰব্যই কিদৰে শিশুৰ শিক্ষাত বাধা দিয়ে তাৰ এখন ছবি ৰাইজৰ আগত দাঙি ধৰা।
কিশোৰীসকলে বলিষ্ঠভাবে নাটখন ৰাইজক প্ৰদৰ্শন কৰে। ৰাইজে খুব ধুনীয়াকৈ নাটখন আঁকোৱালি লৈছে আৰু লগতে নিৰ্দিষ্ট বিষয়বস্তুটোৰ গুৰুত্ব উপলদ্ধি কৰা দেখা পোৱা যায়। ই এক উল্লেখযোগ্য সাফল্য। ৰাইজে লগতে শিশুৰ সুৰক্ষা বিষয়ৰ লগত জড়িত অন্য কাৰক বিলাকৰ ওপৰত বাটৰ নাট প্ৰদৰ্শন কৰিবলৈ কিশোৰী সকলক আহ্বান জনায়।

- সুমিত্রা মাহাত্ব, টেঙাখাত, বয়স - ১৬ বছৰ

"গাওঁ সভা" 2/10/2019,বকুল গাওঁ পঞ্চায়তৰ

বকুল গাঁও পঞ্চায়ত সভা

ডিব্ৰুগড় জিলাৰ লাহোৱাল উন্নয়ন খণ্ডৰ অন্তৰ্গত বকুল গাওঁ পঞ্চায়তত এখনি সভা অনুষ্ঠিত কৰা হয়।এই সভাত ৰাইজৰ যিকোনো সমস্যা ওপৰত আলোচনা কৰা হয়। সভাখনত উপস্থিত আছিল ডিব্ৰুগড় জিলাৰ জিলা পৰিষদৰ হেমপ্ৰভা তাছা ,বকুল গাওঁ পঞ্চায়তৰ সভানেত্ৰী ৰেখামনণ সোনোৱাল, স্বাস্থ্য বিষয়া পল্লৱ জ্যোতি কোঁৱৰ, কৃষি উন্নয়ন বিষয়া মালা শইকীয়া, ইয়াৰ লগতে আশা কৰ্মী, অংগনৱাড়ী কৰ্মী আৰু বকুল গাওঁ পঞ্চায়তৰ সদস্যাৰ লগতে গাঁওবাসী ৰাইজ উপস্থিত আছিল। সভাখনৰ সন্দৰ্ভত যুৱ সাংবাদিকৰ আগত উপস্থিত ব্যক্তিদুজনক কয়, শ্ৰীমতী টুটুমণি সোনোৱালে কয় যে, আমাৰ দুখীয়া সকলৰ বাবে কি কি আঁচনি আছে আৰু সেইবিলাক আমি কেনেকৈ পাব পাৰোঁ। তাৰ বিষয়ে আজি সভাত গম পালোঁ। আন এজন ব্যক্তিক সুধাত কয় যে, আমাৰ সমস্যাসমূহ মুকলিভাৱে আলোচনা কৰিব পায় বহুত ভাল লাগিল। দুখীয়া ৰাইজৰ বাবে থকা আঁচনি সমূহ জানিব পাৰি আনন্দিত হ'লো। গতিকে আমি যুৱ সাংবাদিকৰ দ্বাৰা চৰকাৰক ধন্যবাদ জনাইছোঁ।

অংকুৰ যুব সাংবাদিক গোট

অঙ্গনাবাড়ী কেন্দ্ৰত শৌচাগাৰৰ অভাৱ

ডিব্ৰুগড় জিলাৰ নাহৰকটিয়া সমষ্টিৰ অন্তৰ্গত লাচিত নগৰৰ ৩নং ৱাৰ্ডৰ অঙ্গনাবাদী কেন্দ্ৰৰ লাচিত নগৰ কৃষ্ণ নগৰ ০৬১২৭ কেন্দ্ৰত নাই শৌচালয়ৰ সুবিধা। শৌচাগাৰৰ অভাৱৰ ফলত কণ কণ শিশুসকলে পঢ়া কোঠালিৰ বাহিৰত থকা কাষৰ নলাটোৰ কিনাৰতে শৌচ-প্ৰস্ৰাৱ কৰে । আকৌ এই প্ৰস্ৰাৱৰ ওপৰতে কণ কণ শিশুসকলে খেলা ধূলা কৰে। প্ৰস্ৰাৱৰ ওপৰত খেলা-ধূলা কৰাৰ ফলত বীজাণু বিয়পি বিভিন্ন ৰোগৰ সম্ভাৱনাই দেখা দিয়ে । তদুপৰি এই অঙ্গনাবাদী কেন্দ্ৰটোৰ সৰু আৰু ঠেক কেঁচা কোঠালিটোৰ মজিয়া জেকি থকাৰ লগতে কেঁচু কুমটিয়ে মাটি উঠোৱাৰ ফলত কোঠালিটো অপৰিষ্কাৰ হৈ থাকে । সেই কোঠালিটোতে বহি কণ-কণ শিশুসকলে অধ্যয়ন কৰে । এই সমস্যাবোৰে শিশুসকলৰ শিক্ষা গ্ৰহণত বাধাৰ সৃষ্টি কৰিছে । এইবোৰ সমস্যা আঁতৰ কৰিবৰ বাবে চৰকাৰে উপযুক্ত ব্যৱস্থা গ্ৰহণ কৰিব বুলি কেন্দ্ৰটোৰ কৰ্মী গৰাকীয়ে আশা কৰাৰ কথা ব্যক্ত কৰে ।

- ৰামধেনু যুৱ সাংবাদিক দল

ৰাঙলী পথাৰ প্ৰাথমিক বিদ্যালয়ত শিক্ষক আৰু বিদ্যুতৰ অভাৱ

ডিব্ৰুগড় জিলাৰ নাহৰকটীয়াৰ ৰঙালীপথাৰ প্ৰাথমিক বিদ্যালয়ত শিক্ষক আৰু বিদ্যুতৰ অভাৱ হোৱাৰ বাবে বহু বছৰ ধৰি শিক্ষাৰ ক্ষেত্ৰত বহুতো সমস্যাৰ সন্মুখীন হ’ব লগা হৈছে । বিদ্যালয় খনত শিক্ষক শিক্ষয়িত্ৰীয়ে বিনা বেতনেৰে শিক্ষা দান কৰি আছে । বিদ্যুতৰ ব্যৱস্থা নথকাৰ বাবে বিদ্যালয়ত খোৱাপানীৰ লগতে গৰম কালি ফেন আদি ব্যৱস্থাৰো অভাৱ পৰিলক্ষিত হৈছে। প্ৰধান শিক্ষয়িত্ৰী বৈশ্যলী বৰুৱাই কোৱা মতে প্ৰস্ৰাৱগাৰৰ লগতে পকীবেৰৰো সমস্যা আছে। সমস্যাসমূহৰ বিষয়ে ঊৰ্ধতম কৰ্তৃপক্ষক জনোৱা হৈছে যদিও এতিয়ালৈকে ব্যৱস্থা গ্ৰহণ কৰা নাই।

- উৰ্মিলা নির্মলিয়া, সুমন পাণ্ডে, বয়স ১৬ বছৰ

ডাষ্টবিনৰ অভাৱত পৰিবেশ প্ৰদূষণ

ডিব্ৰুগড় জিলাৰ নাহৰকটিয়া সমষ্টিৰ লাচিত নগৰৰ ৩ নং ৱাৰ্ডত ডাষ্টবিনৰ অভাৱত প্ৰদূষিত পৰিবেশৰ সৃষ্টি হৈছে। এলেকাটোৰ ৰাইজে জাৱৰ জোথৰ পথৰ কাষতে এডোখৰ খালি ঠাইত পেলায় । নাহৰকটিয়া অঞ্চলৰ নগৰ সমিতিয়ে জাৱৰ পেলোৱা গাড়ীৰে আৱৰ্জনা বোৰ উঠাই নিয়াত পলম কৰিলে পৰি থকা জাৱৰ জথোৰত লাগি থকা খাদ্য বস্তু খাবলৈ কুকুৰ , গৰু , ছাগলী আদিয়ে খুচৰী জাৱৰ জোখৰ বোৰ ৰাস্তাৰ ওপৰত পেলাই । ফলত পথচাৰীয়ে বিভিন্ন অসুবিধাৰ সম্মুখীন হয়। এই সমস্যাটো সমাধানৰ বাবে স্থানীয় ৰাইজে নগৰ সমিতিক জনাই। যুৱ সাংবাদিক ৰেচমীনা বেগমেও এই বৰ্ষৰ 2 ফেব্ৰুৱাৰীত এই অসুবিধাৰ বাবে নাহৰকটীয়া নগৰ সমিতিৰ সভাপতিয়ে অনুৰোধ পত্ৰখন গ্ৰহণ কৰি নগৰ সমিতিৰ সদস্যৰ সৈতে আলোচনা কৰি এই সমস্যাটো সমাধান কৰিবলৈ চেষ্টা কৰিব বুলি জানিবলৈ দিয়ে।

বেচমিনা বেগম, নাহৰণি, বয়স ১৭ বছৰ।

মন ময়ুৰী যুৱ সাংবাদিক দলৰ বৃক্ষৰোপন

ডিব্ৰুগড় জিলাৰ অন্তৰ্গত নাহৰকটীয়া সমষ্টিৰ জয়পুৰ অঞ্চলৰ লেবাংকুলা গাঁওত মন ময়ুৰী যুৱ সাংবাদিক দলে বৃক্ষৰোপনৰ কাৰ্যসূচী হাতত লয়। দলটোৰ প্ৰায় ১০ গৰাকী সাংবাদিকে বৃক্ষৰোপন কৰে । গছ গছনিয়ে আমাৰ পৰিবেশক সুৰক্ষা প্ৰদান কৰে। কিন্তুবৰ্তমান একাংশ লোকেগছগছনি কাটি প্ৰাকৃতিক পৰিবেশটো নষ্ট কৰা দেখা যায় । এই বিষয়ে সজাগতা সৃষ্টিৰ বাবেই মন ময়ুৰী যুৱ সাংবাদিক দলে বৃক্ষৰোপনৰ কাৰ্যসূচী হাতত লৈছে। যিহেতু আমি গছ-গছনিৰ পৰাই অক্সিজেন পাওঁ আৰু অক্সিজেন অবিহনে আমি জীয়াই থাকিব নোৱাৰো। তাৰোপৰি ফল-ফুল, কাঠ আদি বিভিন্ন ধৰণৰ সামগ্ৰী আমি গছ গছনিৰ পৰাই পাওঁ। গতিকে, বৃক্ষৰোপন কৰাটো অতি আৱশ্যকীয়। মন ময়ুৰী যুৱ সাংবাদিক গোটৰ সদস্য মৌচুমী গগৈয়ে এই বিষয়ে কয় যে , " আমি এই বৃক্ষৰোপন কাৰ্যটো আগবঢ়াই লৈ যাম আৰু পৰিৱেশ সুৰক্ষাৰ চেষ্টা কৰিম।" দলটোৰ আন এগৰাকী সদস্য পাৰমিতা শইকীয়াই গছ গছনি ৰোপণৰ হাৰ বৃদ্ধি কৰিলে পৰিবেশটো চিৰ সেউজ আৰু ৰোগমুক্ত পৰিবেশ হিচাপে গঢ়ি উঠিব বুলি ব্যক্ত কৰে।

- প্ৰীতিনিশা গগৈ , অনিতা দাস , বয়স ১৮ বছৰ ।